有日同大家姐加妹妹仔一齊返工～三個冇乜嘢做喺度吹水…
妹妹仔:你哋知唔知笑多啲，人都靚啲，多啲人鍾意呀？
我:哦？我塊面唔笑就好似黑面咁，但係無啦啦笑我又唧唔出～
大家姐唧出笑臉:個個都話我一笑對眼似柳葉～好溫柔！
我同妹妹仔對望咗兩秒，你聽錯咋嘛？話你似孽瘤呀嘛？
妹妹仔:不如今日大家姐笑住做登記呀～俾我哋見識吓～
我冇意見
我冇意見
我冇意見
醫生，我胃痛，想早退！
大家姐仍然唧起笑臉，行埋去登記處坐低:就俾你哋睇吓我可以有幾溫柔！
妹妹仔興奮過度:好呀好呀～我哋學嘢啦！
我:……
一個熟客婆婆入嚟，行埋去登記處見到唧笑唧到臉抽筋嘅大家姐，婆婆問:平時個阿妹呢？
大家姐: :) :) :) 今日我做呢度呀 :) :) :)
婆婆: 你塊臉做乜呀？
大家姐: :) :) :) 我笑囉 :) :) :)
婆婆大感疑惑: 你笑我乜呀？
大家姐技術性抑壓粗豪嘅聲線: :) :) :) 你理得我笑乜？你登記完就去坐低等嗌名啦阿婆～ :) :) :)
婆婆行兩步就擰轉頭望吓抽筋大家姐笑完未…
大家姐: :) :) :) 你行就行啦阿婆，因住仆街呀 :) :) :)
婆婆應該唔習慣大家姐咁樣(我又何嘗唔係呀？)，所以一坐低就望住大家姐，可能想睇吓佢搞乜spring～就係咁一個抽筋笑，一個死角啤，直到嗌名入醫生房…
婆婆:醫生，你個老婆病咗呀？
醫生:老婆？
婆婆:呢，坐喺度登記嗰個呀
醫生:嗰位唔係我太太
婆婆:佢望住我笑，我個心好凍呀
醫生:…嗯，咁你今日睇啲乜呀？邊度唔舒服呀？
婆婆:我個心好凍呀
醫生:係咪心口痛呀？
婆婆:凍呀
醫生:有冇流鼻水呀？
婆婆:冇呀，醫生你可唔可以叫你老婆唔好笑呀？笑到我心凍呀！
醫生:佢唔係我太太…我一陣睇完你就反映吓啦
妹妹仔偷聽到呢度，就同大家姐講:哈哈哈哈，阿婆話你笑到令人好心寒呀！哈哈哈哈哈哈！
大家姐:咁唔撚笑囉！啲人咁犯賤，笑又投訴，唔笑又投訴！你話係咪呀寶豬！
我冇意見
我冇意見
我冇意見
我一向戴口罩的
多一事不如少一事嘛 :)
(我建議相關人士可以學吓點笑)
#笑得太恐怖引起反效果
#大家姐笑得最好睇
#認同就按讚 :) :) :) :) :) :)
Search